Яаж Солонгос улсад 100% тэтгэлэгтэй суралцах вэ? Засгийн газрын тэтгэлгийн & их сургуулийн тэтгэлэг

Korean Government Scholarship Program нь Солонгосын боловсролын яамаар (NIIED) удирдан явагддаг бөгөөд гадаадын оюутнуудад олон улсын боловсролын солилцоог дэмжих, улс орнуудын хоорондын нөхөрлөлийг дэмжих зорилгоор дээд боловсролын байгууллагуудад суралцах боломжийг олгох зорилготой хөтөлбөр юм.

Нийт бакалаврын 170 сурагчид болон магистрын 700 сурагчид сонгон шалгаруулдаг буюу бакалаврын сурагчдын бүртгэлийг 9 сард эхлээд 2 сарын сүүлээр дуусдаг бол магистрын бүртгэл 2-р сард эхэлж 8-р сарын сүүлээр дуусдаг байна.

Шаардлага:

• Өөрөө, аав ээж 3-лаа Солонгосоос өөр иргэншилтэй байх
• Ахлах сургууль төгссөн байх (бакалавр)
• Бакалаврын зэрэг хамгаалсан байх (магистр)
• Голч дүн 80% аас дээш байх
• Нас 25-с доош байх (бакалавр)
• Нас 40-с доош байх (магистр)
• Studyinkorea.go.kr site аар бүртгүүлэх, Солонгосын элчин сайдын яам, эсвэл сургуулиараа дамжуулаад бүртгүүлнэ.

Анхаарах зүйлс:​

1)Бакалавр :​

• Сургалтын хугацаа 4 жилээс дээш тэнхим (анагаахын тэнхим, архитектурын тэнхим зэрэг) зөвшөөрөгдөхгүй.​

2) Судалгааны ажил : Магистр, докторын оюутнуудад хамаарна​

• Нийгмийн ухаан, Хүмүүнлэг-ээр зэрэг хамгаалж байгаа бол семестр болгон судалгааны ажлын 210,000 вон​
• Байгал, механик шинжлэх ухаанаар зэрэг хамгаалж байгаа бол семестр болгон судалгааны ажлын 240,000 вон​
• Судалгааны ажлаас хамаараад хэвлэх зардлын 500,000- 800,000 вон